Poesie di Raffaele Pisani
|
Home page Lettura Poeti del sito Narratori del sito Antologia Autori Biografie Guida Metrica Figure retoriche |
| CORONAVIRUS, Papa FRANCESCO, un vecchio scugnizzo, Don
Abbondio, Don Rodrigo e due curiosità Prima curiosità Papa Francesco, durante l’Angelus del 15 marzo u.s., ha ringraziato “i tanti preti che in tempi di pandemia non sono Don Abbondio, che pensano a mille modi di stare vicino al loro popolo perché hanno capito bene che in tempi di pandemia non si deve fare il don Abbondio". Eccolo, l’ignavo Don Abbondio, ritratto, oltre mezzo secolo fa, da uno scugnizzo in poesia napoletana. Na sera ’autunno (tiempo n’è passato), se ne turnava a’ casa, cuoncio cuoncio, nu certo don abbondio, era ’o curato ’e nu paisiello aggrazzïato e accuoncio. Nun era n’ommo ’e chille traseticce, nun era onesto e manco disonesto, vuleva sta’ cujeto, senza mpicce: e s’era fatto prevete pe’ chesto. Pe’ don abbondio ogni ghiurnata eguale: ’a messa, ’e ffunzïone, ’e sacramente. ’A stessa vita, sempe tale e quale: poca fatica senza accucchià niente. Ma pe’ sfurtuna, propio chella sera, ’a sciorta, tanta nfama e tanta ngrata, le cumbinaie na carugnata nera ch’ ’ammappuciaje peggio ’e na paliata, ve dico a vvuje overo ’o distruggette... Turnava, don Abbondio, doce doce, liggenno ogni sei passe doje strufette dint’a nu libbro ’e chiesa, sottavoce. Liggeva... ma ’o penziero suio vulava dint’ ’a cucina... ’o vino perlibato... ’a pizza doce... ’e cìcule... truvava già tutto pronto, bello e apparicchiato d’ ’a cammarera, anziana ma zetella – Perpetua – na cuoca assaie capace, e ’o viecchio già gustava ’a frittatella... ’a fella ’e carne arrusto ncopp’ ’a brace... Ma comme ll’uocchie aizaie da ’o libbro santo duje malandrine se truvaje ’e faccia: ’o spànteco d’ ’o prevete fuie tanto ch’addeventaie cchiù brutto ’e na petaccia. Vuleva turnà arreto, e nun puteva. ’O sango dint’ ’e vvene se gelava. S’era nchiummato! nu sudore ’e freva pe’ cuollo le scenneva comm’ ’a lava. Uno ’e sti malandrine, ’o cchiù tiranno, puntanno a don Abbondio cu nu dito dicette: – «Propio a vuje stevo aspettanno pe’ farve na mmasciata!» – Ammutulito, credenno ’e fa’ na morte malamente, ’o prèvete arrunzaie doie tre preghiere, se dette l’uoglio santo, ’e sacramente e se facette ’a croce int’ ’e penziere. «Veniame a noi – dicette ’o carugnone – vi parlo chiaro e zenza una pelea, e stateme a ssentì cu attenzïone ca don Rodrigo, ’o conte, nun pazzea! Ve manna a ddi’ l’illustra signoria ch’avita rinunzià a chella pruposta d’ ’o spusarizio ’e Renzo cu Lucia, si ce tenite a ’sta pellaccia vosta. Lucia se vo’ spusà nu scialacquone, e a don Rodrigo chesto le dispiace. V’avverto, nun facite ’o fanfarrone si ce tenite a sta’ cuïeto e ’n pace. E ’e ’sta mmasciata – chesto è pe’ cunziglio – nun ne parlate a chisesia perzona, ca si me cumbinate nu scunciglio v’ ’a taglio chesta lengua chiacchiarona!» – ’O povero ’on Abbondio – e che paura! – turnaie a’ casa friddo cchiù d’ ’o ghiaccio. Nzerraie ’a porta cu na mascatura, tre pale ’e fierro e cchiù ’e nu catenaccio, po’ se stennette muorto ncopp’ ’o lietto tremmanno ancora pe’ l’avviso avuto. E ssubbeto Perpetua: – «Oh! Benedetto, ma ch’è ssuccieso, neh!, che v’è accaduto?» – ’O prèvete ogni cosa le cuntaie facennela giurà cu ’e mmane stese ncopp’ ’o Vangelo – e chella ce ’o giuraie – ’e nun cuntà a nisciuno d’ ’o paese ’a storia ’e don Rodrigo... – «Neh, a nnisciuno! Si no chille m’accideno ’e mazzate. P’ ’ammore ’e Dio, Perpè, si quaccheduno v’avess’addimannà: zitta! negate!» – Raffaele Pisani Seconda curiosità La pandemia causata dal coronavirus ci ha ricordato la peste che nel 1630 infestò in particolare la città di Milano. La tragica epidemia è stata ampiamente descritta da Alessandro Manzoni nel romanzo I PROMESSI SPOSI – Don Rodrigo e il perdono di Renzo ’A peste aggranfa ricche e puverielle, e pure a don Rodrigo va a nfettà. Teneva ’a malatia pe’ tutt’ ’a pelle e le mancava ’a forza ’e risciatà. ’A tuttaquanta ’a banna fuie nchiantato e abbandunato dint’ ’o Lazzaretto: isso, na vota ricco e titulato, mo nun teneva manco cchiù nu lietto. Iettato ncopp’ ’a paglia, ’o malandrino, marterizzato ’a spàseme e ’a turmiente, se cunzumava comm’a nu lumino: pareva ’o cchiù pezzente d’ ’e pezziente. Guardava, cu duie uocchie asciutte e sicche, gente ca sparpetiava e ca mureva; giuvene, viecchie, puverielle, ricche: vulleveno int’ ’e tribbule d’ ’a freva. Tutte llà dinto. Senza destinzione ’a morte a cchisto e a cchillo se pigliava, e nun senteva cunto né ragione: senza pietà acchiappava e ’ncarrettava. Iettato ncopp’ ’a paglia ’e nu capanno ce steva don Rodrigo, addeventato sulo ossa e pelle: –«’A Morte ’o sta zucanno! ’O mmale chisso ha fatto, l’ha pavato!» – Renzo, vedenno tanta su?erenza, tutte l’aggravie avute s’ ’e scurdaie; tutte ’e dammagge ’e chella preputenza nun 'e ppenzava chiù, e 'o perdunaie! La mia piccola casa L’albero tuio Lampadine fulminate |